【富國大世界GRAND WORLD】免門票瞬間走進意大利！必去泰迪熊博物館＋睇越南國粹表演＋威尼斯水上計程車！
富國島有咩好玩？位於富國島北邊嘅富國大世界係必去嘅打卡景點，鄰近富國島珍珠野生動物園 Safari Phu Quoc 同富國大世界 Grand World Phu Quoc，大家可以來個兩日一夜或三日兩夜嘅行程安排！
▼富國大世界GRAND WORLD體驗預訂網址▼
https://www.kkday.com/zh-hk/product/119144-grand-world-phu-quoc-attraction-admission-ticket?cid=2058&ud1=Vietnam
▼機＋酒自由行套票預訂網址▼
https://www.kkday.com/zh-hk/product/167166?cid=2058&ud1=Vietnam
或
https://www.kkday.com/zh-hk/product/168075?cid=2058&ud1=Vietnam
富國大世界 Grand World Phu Quoc 於 2022 年開幕，係一個超新嘅景點。以威尼斯運河為概念，係越南首個 24 小時不夜城，集結餐飲、購物、歌舞表演於一身，有種走入意大利嘅感覺。富國大世界係免費的，代表你可以隨便入去打打卡，影下相，如果想體驗各種活動如威尼斯水上計程車、「世界十字路口」探索之旅、越南國粹表演、參觀泰迪熊博物館等等先要畀錢。如果大家唔係純打卡想參加各種付費體驗的話，強烈建議大家先上 KKday 買對應嘅門票，雖然當地嘅職員都好熱情，但都難免有少少語言溝通上嘅問題，所以一早買晒自己想體驗嘅活動就最好喇！
富國大世界 Grand World Phu Quoc 真係好靚，大門係 42,000 根竹子打造而成嘅越南最大竹構建築，入到去就會見到色彩繽紛嘅歐式建築物，加上長長嘅運河，有種瞬間來到歐洲嘅感覺。不過旁邊嘅店大部分都係 4-5 點先營業，好多都係按摩店，仲有大量炒冰店舖，未必需要花好多時間去行，所以都係打打卡就夠！園區內不時會有免費嘅威尼斯面具遊行表演，晚上 10 點仲會有結合光雕投影、水舞、舞蹈、音樂嘅「威尼斯大秀」，建議大家傍晚時間嚟就最熱鬧，各大景點大概玩 2-4 個小時就夠喇～
▼大門由 42,000 根竹子打造而成，係越南最大竹構建築
▼色彩繽紛嘅建築物，瞬間有種歐遊嘅感覺
至於付費體驗就可以揀威尼斯水上計程車，經 KKday 購買門票 HK$61 起，可以喺大運河上享受浪漫之旅，一邊遊河一邊打卡超有 feel。另外有個套票都好抵買，「世界十字路口」探索之旅包泰迪熊博物館、越南國粹表演（下午場 17:00 – 17:15）及參訪 Vietnam One Stop，包 3 站都只係 HK$61，如果單買泰迪熊博物館門票都已經要 HK$61 價錢一樣，不過越南國粹表演就指定咗一場，如果想睇埋大表演都可以分開買。
▼威尼斯水上計程車係不錯嘅體驗
越南國粹表演 The Quintessence of Vietnam 係非常傳統嘅越南演出，透過古老建築講述故事，畀大家了解越南傳統文化嘅精髓，主題有王朝衛兵換崗儀式、新嫁娘遊行、傳統供奉儀式、家的味道小劇場、博士學位授予儀式、比武表演、榮耀歸國祭祖儀式、古裝遊行等等，都幾有趣！
▼精彩的越南國粹表演
泰迪熊博物館係另一大重點，所有鍾意熊仔嘅都必須嚟！作為越南第一座 Teddy Bear 博物館，超巨型嘅白色泰迪熊已經喺門口等緊大家，入面可以分為 5 大主題區：古董陳列區、古董熊、探險神秘領地、越南印象及拍照打卡區，仲有泰迪熊博物館紀念品添！入面收藏咗 500 隻熊仔，以各種有趣造型呈現，好得意！
▼超巨型嘅白色泰迪熊已經喺門口等緊大家！
▼入面嘅熊仔以不同國籍、造型出現，相當有趣！
▼打完卡仲可以去禮品店將熊仔帶回家～
▼最後一站會搭 Buggy 去參訪 Vietnam One Stop，呢度係手信店，有各種越南特產，不過金剛超市相對選擇多啲又平啲，大家都可以簡單逛一逛。
▼富國大世界GRAND WORLD體驗預訂網址▼
https://www.kkday.com/zh-hk/product/119144-grand-world-phu-quoc-attraction-admission-ticket?cid=2058&ud1=Vietnam
▼機＋酒自由行套票預訂網址▼
https://www.kkday.com/zh-hk/product/167166?cid=2058&ud1=Vietnam
其它富國島你有興趣的文章
- 【富國大世界GRAND WORLD】免門票瞬間走進意大利！必去泰迪熊博物館＋睇越南國粹表演＋威尼斯水上計程車！
- 【富國島珍珠遊樂園＋野生動物園攻略】越南版迪士尼超啱打卡！$414 起玩盡水上樂園、主題樂園，仲可以睇美人魚表演！
- 【富國島太陽世界遊記】體驗全世界最長跨海纜車、玩轉水上樂園、必打卡日落小鎮＋接吻橋、精彩表演「海洋之吻」！
- 【富國島Villa推介】新世界度假酒店泳池別墅3房125平方米起連私人泳池，仲有超正無邊際泳池、免費瑜伽堂，仲有私人沙灘！
- 【富國島Villa推介】富國島帆船俱樂部度假村超豪華別墅連私人泳池，獨棟 Villa 269 平方米起私隱度高有小廚房、浴缸！
- 【富國島直航優惠】6 日 5 夜機票連四星級酒店 HK$2,750 起，送往返富國島機場接送服務；HK$4,170起入住度假村，仲送動物園門票！
