報導第一手酒店優惠消息
分享酒店優惠、訂機票、旅遊攻略

Marriott-Bonvoy
如果你成日去旅行,又不時入住萬豪酒店的話,不妨加入成為萬豪旅享家 (Marriott Bonvoy) 會員,萬豪旅享家是萬豪國際集團於 2019 年 2 月推出推出的酒店會員計劃,將之前的萬豪禮賞、麗思卡爾頓禮賞及 SPG 俱樂部整合,令會員可以更容易地在全球 6 千多間酒店賺取及兌換積分。每次住酒店外、搭飛機等都可以儲積分,只要儲夠指定積分,就可以換到免費住宿和各種不同的會員待遇。

 

Marriott bonvoy 萬豪旅享家會員福利簡介

加入萬豪旅享家會員 (Marriott Bonvoy) 會是免費的,按照你每年入住旗下酒店的晚數而升級,每年入住 0 – 9 晚是會員 (Member)、 10 至 24 晚是銀卡會員 (Silver)、25 至 49 晚是金卡會員 (Gold)、50 至 74 晚是白金卡會員 (Platinum)、75 至 99 晚是鈦金卡會員(Titanium),而每年每年住 100 晚加 USD20,000 就係大使會員,當然就係愈高級,有愈多獎賞,各會員福利大家可以參考下表,因為有太多福利小編不逐個講了,只說一些重要的。

會員 (Member):基本上入住是沒有特別福利的,但在萬豪官網訂房時,部份酒店會有會員價,大約比其他訂房網有 5% 的折扣。(總好過無平啦)

銀卡會員 (Silver):銀卡其實一點實際福利都沒有,跟 Member 相差無幾。

金卡會員(Gold):金卡會員就會有一些較實際的福利,例如延遲退房至下午 2 時,當你是入住 Resort,其實可以 2 點先 checkout,其實已經歎多幾個鐘,雖然唔係勁的福利,但個人認為個別情況延遲退房確實可以好方便。而金卡亦有優先客房的升級,不過這個客房升級亦要視乎當日的入住情況,未必一定有,而且有時「升一級」,房型上可能跟本沒有分別,例如只是景觀不同而已。

白金卡會員 (Platinum):白金卡會員就真心正喇,延遲退房至下午 4 時(都係嗰句!住 Resort 時好有用,遇正剛剛夜機回程,呢個福利直情係俾你唔洗錢住多半日)。每次房間仲有得升級,而且仲要係升套房(不過都要視乎供應既)、仲有迎賓禮物,而另一重點是可以享用行政酒廊,可以入酒廊歎下紅白酒、食吓 Tea、生果又真係唔錯既。

鈦金和大使會員就唔多講喇,如果你是鈦金卡會員,不妨留言分享你的入住被升級的經驗。

有一點要提提大家既,就是要享有會員福利,一定要經萬豪官網訂酒店,如經第三方網站例如 Agoda、Expedia 等,又或者是旅行團,入住時是不能享有會員福利的,亦不能儲會員積分。但用美國運通白金卡的 FHR 訂酒店,都計經官網。(但跟據筆者經驗,通常好睇個別酒店的前台同事處理手法,有時都可能會有福利既。)

Marriott Bonvoy 申請網址:https://www.marriott.com/loyalty.mi

 

萬豪酒店集團

萬豪酒店集團收購 SPG 之後,擁有的酒店品牌已有 29 個,亞洲常見的包括有 St. Regis、W、JW Marriott、Ritz Carlton、Sheraton、Westin、Autograph Collection、Courtyard、Four Points 等等,現時全球超過 6,700 間酒店,所以基本上可以用「玩晒」黎型容,除左萬豪在日本熱門地區酒店較少選擇之外,亞洲大部份地坊都有好多方便既酒店。

如有金卡或以上會藉,咁香港附近有什麼酒店推介呢?
澳門:銀河 JW 萬豪
台灣:宜籣 Westin、台灣 W、台北萬麗
曼谷:The Athenee Hotel A Luxury Collection、Marriott marquis queen’s park
日本:The Prince Gallery Tokyo Kioicho、The St. Regis Osaka


雖然全球絕大部份酒店都會參加會員計劃,但仍有少部份酒店雖然是萬豪品牌,但入住是不會享有福利的,例如 Ritz-Carlton Reserve 品牌、bulgari 品牌和萬豪行政公寓。

 

賺取積分方法

去全球世界各地,入住萬豪集團旗下的酒店,每 USD1 的合資格消費就可以賺到 10 點積分(會員級別越高,每次入住亦會有額外積分)。除此之外,入住時的餐飲消費都可以賺到分,而於亞太區指定的餐廳同酒吧每 USD1 的合資格消費都可以賺到 10 點積分。仲有採用 Hertz 的租車服務,以及 CruisesOnly book 郵輪套票都可以儲分。

 

兌換積分方法

萬豪旅享家的積分兌換優惠都頗多,其中少不了免費住宿兌換,按照酒店價錢分為 7 個類別 (即將推出第 8 類別),亦會有非高峰期同高峰期的兌換表(即是淡旺季所需積分會有不同),最少 5,000 分就可以換到一晚住宿。除此之外,仲有不同優惠如用積分兌換 4 晚住宿,第 5 晚可以免費入住,用積分升級至套房同景觀客房等等。

而萬豪集團的酒店,更可以用「Point + Cash」方式去換,因為 Marriott Bonvoy 分淡季和旺季積分亦有不同,所以好難一概而論抵唔抵,大家訂既時候先比較一下啦。

除此之外,仲可以向 40 多間航空公司轉移積分,包括美國聯合航空公司,達美航空,阿聯酋航空,德國漢莎航空,中國東方航空等, 3 點積分就可以換到 1 英里,而每轉換 60,000 點積分為飛行里程,就可以額外獲得 15,000 點獎勵。不過小編直說,一向用航空積分換酒店積分都是沒有著數的,大都數情況都是十分不化算,除非有特別優惠吧!

如果大家想快速搜尋指定 Category 內有什麼酒店,可以去以下網址:https://www.marriott.com/hotel-search.mi?filterApplied=true

 

如何快速獲得 Marriott bonvoy 金卡


要最簡單最快的方法獲得 Marriott bonvoy 金卡,香港讀者只要成功申請美國運通白金卡後,就可以立即同時擁有 Marriott Bonvoy Gold Elite 金會籍,亦會有埋希爾頓酒店金卡會籍、Radisson Rewards 金會籍、香格里拉貴賓金環會翡翠級會籍、Avis Preferred 會籍、Hertz Gold Plus Rewards 會籍。就係有 Marriott Bonvoy 金卡同希爾頓酒店金卡已經夠去旅行用喇,基本上低、中、高檔次既酒店品牌都有齊。

這張美國運通白金卡

仲可以入到全球 American Express The Centurion Lounge 貴賓室(仲要同行朋友都一齊入到),仲包埋全家既旅遊保險,唯一少少缺點是要俾 HK$7,800 年費,但如果一年飛超過 4 次以上,我覺得都申請得過。呢張美國運通白金卡仲有好多福利,例如睇戲買一送一、美心集團旗下指定中菜食府最高 6 折、仲有個 Fine Hotels & Resorts (FHR),詳情可以參考這篇:https://www.runhotel.hk/AE-exploreplatinum

或者直接去 AE 官網申請美國運通白金卡
https://www.americanexpress.com/hk/ch/campaigns/exploreplatinum/美國運通白金卡

 

加入新會員著數

如果你還未加入 Marriott bonvoy,只要透過以下活動登記成為萬豪旅享家新會員,就可以有「住二次送一晚」的優惠,只要你有兩次畀錢的住宿 (留意,是連續住兩次,不是連結兩晚,連續兩晚只當一次。最低的成本,就是第一晚住 A 酒店一晚,然後第二晚住 B 酒店一晚,亦算兩次)。登記得完成住兩次,就可以有 25,000 分的 Free Night Award,可以免費換番一晚 25,000 分的酒店,入住日期去到 2019 年 7 月 29 日,登記網址:https://www.joinmarriottrewards.com/freenight16/
(暫時這個優惠我所知是長期 Extend,大家去到頁面請自行參考活動日期)

 

最新活動和優惠

萬豪旅享家定時定候都會有各種活動,近期就有雙倍積分活動,只要在 2019 年 5 月 21 日前登記訂房,並於 6 月 4 日前完成兩次入住,第二次入住起就可以有雙倍積分!網址:https://www.marriott.com/default.mi?aff=MARUS&affname=111l2063&co=US&nt=PH

Marriott Bonvoy 萬豪旅享家申請網址:https://www.marriott.com/loyalty.mi

 

其他文章

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



6 Comments

      • 我選了酒店和房,出了價錢也看不到「use point 」,只是要我輸入信用卡資料。

        Reply
  1. 我有Titanium elite 已有六年啦已積累了528個夜晚在整個亞大區住宿都非常之滿意和開心 但去歐洲有些萬豪酒店在登記入住時看到你是華人會諸多藉口說沒有套房等 但一定要堅持 這是我們的福利 千萬不要放棄 我就試了幾次吵起來,最終還是我勝利入住套房 倫敦海德公園JW 萬豪 洛杉磯比華利山萬豪 法國巴黎大使萬豪酒店 這幾間特別麻煩如果選這幾間一定要之前說清楚.祝旅途愉快

    Reply
  2. 如果我一件住夠75晚就可以得到10晚套房住宿獎勵? (第50晚放5晚, 第75晚又送5晚)

    但係Platinum同Titanium唔係本身就可以upgrade做套房既咩? 咁呢d套房住宿獎勵仲有咩用?

    Reply
  3. 經信用卡取得萬豪金會籍後,要再住幾多晚變萬豪白金?25晚還是50晚?

    Reply

留言