大阪旅遊真的很多手信要買呀!手信在道頓崛、亞倍野 Harukas 百貨和關西機場都可以買到。其實日本關西機場真是超好買手信,裏面幾間店舖就可以搞掂所有手信,除咗有食品手信店之外,仲有藥房,電器鋪同賣化妝護膚品店,外面搵唔到嘅呢度都有,價錢仲比較便宜。

當日我地坐香港快運,因為是廉價航空,所以佢地對寄艙行李重量有嚴格限制,行李過重的話會逐磅同你計,所以入關後才買手信就可以大買特買(當然都要留意手提行李重量),快捷方便又唔洗攞住啲手信周圍走。

入關之後向左行,經過電器舖就會見到一間賣手信嘅鋪頭,我地上次坐香港快運夜機,這間收晚上12:00,所以食完飯去到機場再 Shopping 買手信都趕得切。

首先見到好搶眼嘅就係 KitKat,有之前出嘅綠茶同士多啤梨味,而家仲有紅豆味,¥1500 有十包,好吸引。

來到大阪都要買返東京香蕉蛋糕,見到好多香港人成箱抬返香港做手信,似乎香港人對呢個香蕉蛋糕嘅熱情仲未減退。

大阪都出咗一款大阪香蕉蛋糕,長方形一舊,比東京香蕉蛋糕大,但無東京香蕉蛋糕外型咁可愛吸引,但兩款味道都差唔多,價錢當然係東京香蕉蛋糕貴啦。

係道頓崛見到呢隻芝士蛋糕,手信排名榜冠軍,當然要試吓啦,其實外形都是一樣長方形一舊,芝士味好香,蛋糕好鬆軟,推介 !

神戶草莓朱古力,¥800 有 100g ,紅色細細盒,好精緻。

盒內另有獨立包裝,白色朱古力內包著草莓乾。

係道頓崛都買左另一款關西限定草莓朱古力,¥500 有 60g ,外型同神戶草莓朱古力好相似,只是包裝唔同,但白朱古力實在太甜,完全食吾出草莓味,所以兩款都唔推介。

有人話係大阪一定要食 PABLO 起司蛋糕,而家係機場有手信禮盒賣啦,不過我仲未有緣食到。

老爺爺芝士蛋糕是用十勝牛奶和外國進口的芝士造成的,當日行入地下街,十里外都聞到香味,我們 6:30pm 去到只有幾個人在排隊,不用 15 分鐘就買到了,今次抬兩個返香港做手信,好味到不得了。每間分店開放時間都不同,記得 check 清楚先好去。

Sweet Potato 蛋糕係人氣手信排行榜排名第三,但有點失望。

仲有其他超人氣綠茶蛋糕,好想抬曬返屋企。

HARUKAS 300 空中展望台是大阪最新的人氣景點,下面樓層新開業的 Kintetsu百貨也跟隨熱鬧起來,尤其 B1 樓層的美食手信樓層更受歡迎,商場未開門已經有顧客在門外排隊等候入內購物。

特別推介這個季節限定的巨峰葡萄和果子,薄薄的 Jelly 軟糖包著清甜可口巨峰葡萄,¥2300 一盒。

完整的一粒巨峰葡萄,好清甜,好好味,大力推薦 !!!


還買了一盒最傳統的草餅,一盒可選三種口味,簡簡單單,無花巧,就最講功夫,超讚 !

分成 5 個小小獨立包裝,我選了黑蜜同綠茶。

以上就是我們上次大阪之行伴手禮的部份囉 ~ 還有什麼是必買嗎?

其他大阪旅遊有用資訊:
大阪 Tripadvisor 酒店排行榜

Fraser Residence Nankai Osaka – 難波最受歡迎酒店
Osaka Marriott Miyako Hotel – 亞倍野最新萬豪酒店

心齋橋酒店推介
心齋橋哈頓酒店 – 離美國村、心齋橋近
新大阪心齋橋飯店 – 心齋橋地鐵步行五分鐘

====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。 ====================
如你有旅遊資訊、旅遊優惠想跟我們分享,歡迎電郵 vincent@runhotel.hk
邀約採訪或商務合作,請聯絡 vincent@runhotel.hk
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言