報導第一手酒店優惠消息
分享酒店優惠、訂機票、旅遊攻略

哈哈哈,我上個月成功申請了 Best Western 酒店白金咭,一晚都未入住過 Best Western 就可以成為這間酒店的白金會員,感覺爽呀!

Best Western 官網:http://www.bestwestern.com

唔好睇少 Best Western ,Best Western 是美國老牌三、四星級商務酒店,全球酒店超過 4 千間,絕對是有名氣的酒店集團,不過佢地亞洲區酒店大部份都是三星級左右,主打經濟實惠型,歐洲就會較多四星左右既酒店,大家可能對佢無乜印象  (如果唔識 Best Western ,可以由今日開始認識下佢)。

Best Western 酒店主打「便宜」,哈哈,我就係鐘意佢夠「便宜」,以佢地酒店價錢來比較絕對講得上就是「平靚正」,性價比高(當然您不能拿五星級酒店去和 Best Western 比較)。通常去日本和韓國,就會比較多人會選擇入住 Best Western,除了佢地價錢平,酒店地點仲好方便,加上連鎖集團經營,服務和質素都有保証,雖然佢地價錢咁平,但網上的酒店評語都是讚多過彈,佢地日本既酒店仲一向做得好好,好似新宿既 Best Western Shinjuku Astina Hotel, 在 Tripadvisor 68間新宿的酒店排名排第4 (詳情按此),絕對不是差酒店,仲可以用個「好」字來形容,而佢地在日本的另外幾間酒店都是很有名的,(詳情可以看這一篇:按此) ,這篇主打講番張白金咭先。

話說我在官網見到 Best Western 和 HSBC VISA 白金卡有合作(詳情按此),只要用 HSBC VISA白金咭訂房,除了訂房可以享有最多 6 折,仲可以立即升級為白金卡會員 (Platinum),基本既提早入住,延遲退房,同 Room upgrade 都有。但住得Best Western ,我個人覺得 Room Upgrade 反而是次要,因為 Best Western主打平價商務酒店,又不是 Resort 型,有冇得 Upgrade 影響唔大,反而 Early check-in 和 Late check-out 我覺得仲緊要,當您坐的航班時間比較差,有時早少少可以 Check-in ,在行程上就會鬆動好多,例如您早機 5至6 點到東京,如果 Early check-in 可以10點,基本上您落機後可以去食過早餐先,之後10點就可以番酒店攞房,您話幾好,唔洗等到12點。

我和 Best Western 客服溝通過,他們說現在凡擁有匯豐白金信用卡的持有人,都可以免費升級成為 Best Western 的白金會員 (可以不用訂房,直接同佢講升級就得),享有相關福利,佢一日就幫我升級了,3天後就已經收到會員咭。

我就是用這款匯豐白金信用卡 (下圖是從網上找回來的Demo卡)

因為大陸寄來香港,所以三日就已經收到。

這張就是我的 Best Western 白金會員卡

信中提及了會員福利,包括 15% 獎勵積分、每年禮物、優先登記入住、延遲退房,反而房間升級就寫得較含畜,只是說「有機會更換更好的房間」。

這就是隨信附送的禮物 – 名牌一個

升級後,白金會藉有效期為一年,所以大家需要入住前一個月申請就最好。如要申請,最簡單方法可以直接電郵 “[email protected]” 找 Best Western 客服 Janet  (2015年 7 月 20 日更新:Janet 已經沒有做了,最新 Best Western 的聯絡方法,可email 去 [email protected])  ,把您的 Best Western 會員號碼 (如您不是會員就先去官網申請),再用相機拍一張您的匯豐白金信用卡,之後把所有資料一同電郵給 Janet 就可以。我已經跟Janet 說了會介紹朋友申請,所以大家可以放心直接跟 Janet 聯絡。

HSBC 白金卡優惠詳情可以參考:
http://www.bestwesternhotelasia.com/hsbc/

想了解更多有關 BestWestern 會員福利可以在這裏看看官網詳情:http://www.bestwestern.com/rewards/-benefits/-levels.asp

奇怪中文頁面就有寫清楚白金卡可以享有「免費房間升級,提前入住和延遲退房」
http://wwwwewer.bestwestern.net.cn/bwrewards/levels.htm

其實 Best Western 是性價比很好的酒店,好像澳門 Best Western Sun Sun Hotel ,閒日約 HK$749 (連稅)一晚,我上星期去澳門都住 Best Western Sun Sun Hotel 附近,步行距離已經去到大三巴,議事亭,酒店下面轉個街口就係手信街。

其實而家用Visa 咭訂 Best Western 亞洲區的酒店還有8折,便宜過所有網站,建議可以參考這篇的方法訂房:BestWestern 8 折Promotion code。

Best Western 官網:
http://www.bestwestern.com

Best Western 在日本(包括東京、大阪、北海道、沖繩) 的酒店很適合旅遊時入住,因為酒店地點交通十分方便,我寫了一篇 Best Western 日本酒店介紹,詳情可以參考這一篇:
Best Western 日本平價住宿推介

想知道更多其它信用卡優惠,請善用我網站「善用您的信用卡系列」文章目錄。

2015 年 7 月 20 日更新:
Best Western 全球免費客服電話
香港: 30174112
澳門:0800703 

台灣:809090387
Email :[email protected]

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



6 Comments

  1. 我經你地facebook條link入,打左好多次資料都彈番出去(係簡體字網頁),但又轉唔到英文,而且電話錄音叫你打另一個電話號碼(不是香港號碼),會唔會星期日係冇人聽,可以點做,請幫忙,謝謝。

    Reply

留言