報導第一手酒店優惠消息
分享酒店優惠、訂機票、旅遊攻略

去西門町,有幾個景點和美食是必定要試的,景點包括西門紅樓,信義誠品,美食包括、阿忠麵線、大腸包小腸、鹽酥雞、蜂蜜苦瓜汁、蔥抓餅、珍珠奶綠等等。不如我就寫番上次去台灣的行程俾大家睇。

必食篇

我上幾次去台北,入住過永安棧捷絲旅飯店,雖然酒店有包早餐,不過每朝我都是去永和豆漿食早餐,依間豆漿好出名,9點半後開始好多人,基本上人多到好難等到位,不過就點都要去試一試,特別是那個肉鬆蛋餅、油炸鬼加豆漿,真係香港食咁耐都食唔到咁好食。

唔好去錯,係依間「永和豆漿」
永和豆漿

偷影下師夫先
永和豆漿

人多到呢,所以超難等位永和豆漿

無記錯這是肉鬆蛋餅永和豆漿

價錢仲要超平

永和豆漿

這個油炸鬼加豆漿的食法真係超好味,一定要試

基本上問酒店攞地圖,之後搵漢口街二段就識去。永和豆漿

永和豆漿(西門町)地址: 台北市中正區漢口街二段30號

地圖:


講到午餐或晚餐,可以考慮食一間好出名的牛肉麵 – 牛店。這間店攞過好多獎,所以非常出名,不過我食過又唔算話好特別,只可以用唔差黎形容這碗牛肉麵。

牛店牛肉麵
牛店牛肉麵
好出名咁
牛店牛肉麵

入面既牛骨髓係任食的
牛店牛肉麵

餐牌 (有少少Out Foucs 左)
牛店牛肉麵

我叫的牛肉麵,不過不失,咁出名黎到當然點都要試。
牛店牛肉麵

牛店都唔難去,捷運站出口6或出口1,沿大路直行到昆明街轉左就會見到。
地圖:

如果唔鐘意食牛肉麵,有人推介過麻辣火鍋鍋大爺或馬辣,這兩間都係任食。如果人多,又唔介意貴少少,又去試下太和殿,想食燒既可以去西門町熊一燒肉,都係任食。

西門町熊一燒肉:http://www.bear-1.com.tw/
台北市西寧南路155號2樓(萬年大樓正對面)
營業時間上午十一點至凌晨三點(收客至凌晨一點半)
每人399元,若想吃頂級食材,再加100元,
尖峰時間用餐限兩小時,離峰時間為三小時

店家詳細位置:


講到食,又點可以唔提阿忠麵線,我自己本身就好鐘意食,所以食左兩次。


就係依隻麵喇,全店只賣一種麵,只有大小size 揀,大約NT40一碗。

阿忠麵線 http://www.ximen.com.tw/store_123
地址:台北市峨嵋街8之1號

其它街頭小食包括大腸包小腸、鹽酥雞、蜂蜜苦瓜汁,基本上好多鋪都有得賣,去到西門町大家就一定見到,而家記低要食D乜就OK。

手信篇

西門町有一間好出名既手信舖不得不題,就是港記酥皇店既鳳梨酥,其實台北出名既鳳梨酥店有好多,例如仲有微熱山丘既鳳梨酥和佳德鳳梨酥 ,不過自由行就未必個個都好方便去。間店早上9點半就開門,諗住無咁多人,點知已經見到好多人買緊手信。

港記酥皇店 http://www.ximen.com.tw/store_143

港記酥皇店
岩岩開門都咁多人

港記酥皇店
西門町仲有一間叫賣手信新東陽既舖頭,不過新東陽賣的手信就好普通,所以唔係咁建議大家去。

西門町景點

西門町最出名的景點,當然是西門紅樓,走到入面有好多賣手作仔的商店,都可以一逛。後面街就有一些可以飲酒的店,夜間三五知己傾計一流。
西門紅樓

西門紅樓在捷運1出口一出就到,實見到。

西門町誠品

以前西門町誠品都是行程之一,不過自從銅鑼灣希慎都開了誠品之後,西門町誠品就不覺得有甚麼特別,不過西門町其實有三間誠品,其餘兩間誠品是大商場,還賣其它年青人服裝或日常用品,係潮流品牌匯集地方,當行街的可以一去。

上次我去西門町,都有搵一些晚上節目,當然唔少得去台灣的DISCO 見識一下,我在網上搵到西門町有間DISCO 叫Luxy ,女仕NT500,男仕就 NT700包兩杯飲品,逢星期三就是Lady Night,女仕仲可以免費。


入到場:
luxy

不過上之去是旅行關係,入了Luxy 一陣已經回酒店休息,因為明天還是繼續其它行程,見識過就算。
luxy

其實如果諗住去台灣目的是玩和食,咁住西門町都真的幾方便,一般既酒店價錢都好便宜,例如高絲旅飯店和愛客發大約600元一晚左右,兩個人每人一晚只是300元,所以好多人會住這兩間,其它西門町酒店,可以看西門町酒店介紹https://www.runhotel.hk/2013/05/ximen-hotels-recommand.html 

如果一家大細或情侶去想住好D,可以考慮永安棧或台北車站的君品酒店或W酒店 。

酒店推介:
愛客發:(500至600元)

永安棧 (1000至1400元):
http://www.agoda.com.hk/asia/taiwan/taipei/westgate_hotel.html
W酒店:(1000至1400元)
http://www.agoda.com.hk/asia/taiwan/taipei/w_taipei_hotel.html

喜歡我的文章,請去我的 facebook www.facebook.com/runhotel.hk 按讚一下,您的一個讚就是我寫旅遊資訊的動力,希望為大家介紹更多行程。

────── 相關文章 ──────
由即日起去永安旅遊網站,預訂全線酒店,輸入優惠碼「PH606」,全單可享有 94 折,最高可減 $400。 預訂網址:https://www.wingontravel.com/

由即日起去永安旅遊網站,預訂澳門船飛,輸入優惠碼「PF412」,訂滿 HK$160 即減 HK$10,或訂滿 HK$460 可減 HK$35。 預訂網址:https://www.wingontravel.com/ferry/

====================
想喺酒店包場舉辦攪生日會、百日宴、公司私人活動、婚宴或講座?但又唔知要幾多錢?即上 Runhotel 全新搵酒店派對場地網站,一次過睇晒各大酒店包場 Package 價錢:https://event.runhotel.hk/
====================
需要搵月租酒店 / 短租酒店?即上搵月租酒店網站睇晒所有酒店月租價錢,連服務式住宅都有!網止: https://rent.runhotel.hk/
====================
歡迎轉發相關優惠訊息,轉發時請註明出處來自 Runhotel.hk 。
====================
Runhotel 網站已努力審查過所有資訊才作出以上報導,而 Runhotel 只是情報網站報導各項優惠資訊,並不是預訂平台,酒店或網遊網站會因應情況更改條款而不作另行通知,預訂時請一切以官網的條款和價錢為準。
====================
如有旅遊資訊、旅遊優惠想跟我們分享,或邀約採訪或商務合作,請聯絡 [email protected]
====================
Runhotel 是全港唯一專門發佈酒店折扣、優惠的網站,你地想繼續留意到相關優惠消息,記得緊貼我地 Runhotel FacebookRunhotel Instagam 的資訊。 http://facebook.com/runhotel.hk
https://instagram.com/runhotel.hk/



留言