港島區四星酒店 Lunch Buffet，唔洗 2 百就食到！
最近我地就去了兩間港島酒店食 Lunch Buffet，分別係西環萬怡酒店 MoMo Cafe ，同埋港島太平洋酒店 Centre Street Kitchen，重點係兩間酒店既 Lunch Buffet 都唔洗 2 百蚊，其中萬怡酒店，連埋加一都係 $135 蚊，咁平，帶大家現場直擊一下質素啦~~
1. 西環萬怡酒店 MoMo Cafe – 網上訂枱每位 $118.5 (連加一 $135)
西環萬怡酒店的自助午餐，好多人都未必知，成人價錢只需 $118 (連加一 $135)，嘩，痴線架咩，百幾蚊就食到 Lunch Buffet，真係仲平過中上環一些餐廳，所以我上次去，好多中環返工人士過來食，好爆場。
自助午餐以沙律為主題 (咁既價錢唔好 Expect 有冰鮮海鮮)，長枱上主要食物都是一般沙律菜式，例如粟米、蕃茄、生菜、車厘茄、青豆、沙律通粉、韓國泡菜，生果等等。
熱盤方面有豬肉餃、魚蛋、日式白蘿蔔、炒飯、咕嚕肉、唔夠飽仲有魚蛋粉麵檔。旁邊仲有一些點心，例如燒賣、牛肉、珍珠雞、饅頭，仲有炒飯。
這裏有 6 款點心任食，抵過去飲茶啦。
甜品選擇不算多，但就有 6 款 Mövenpick 雪糕，總算加番少少分。
總結
價錢平勝在任食兼可以坐最多 2 個半小時，港島區約人食飯呢啲地方最好，訂枱後去到餐廳一定立即有枱，請人食飯又有預算。
西環萬怡酒店 MoMo Cafe
地址：西環干諾道西 167 號 (港鐵西營盤站 B3 出口，
西環萬怡酒店自助午餐 75 折訂枱方法：
只要透過以下網址預訂 Lunch Buffet，即可享有 75 折，實際折扣請留意頁面
https://hk.eatigo.com/home/hk/zh/hong-kong/restaurant/name/momo-cafe-courtyard-by-marriott-sai-ying-pun/
2. 港島太平洋酒店自助午餐 7 折 – 網上訂枱每位 $159 (連加一 $182.4)
另一間港島太平洋酒店自助午餐，網上預先用信用卡付款即有 7 折，星期一至五連埋加一成人每位都係$182，2百蚊仲有 10 幾蚊找。港島太平洋酒店相對就多好多食物選擇，刺身、沙律、熱盤、甜品樣樣都有。
入到港島太平洋酒店「中西．環 Centre Street Kitchen」餐廳，環境就好舒服。
2 百蚊都唔洗既自助餐，都有青口和蜆，仲有 3 款刺身。選擇雖然不多，但勝在質素 OK。 
沙律賣相不錯，仲有冷麵。
熱盤方面，午餐都有西冷牛扒，食過唔「靭」，仲有炒菜，海南雞飯、魚、牛腩、雞肉，牛肉。
有魚食真係正，不過兩條魚唔知咪太好味，轉頭再攞時已經所剩無幾。
個海南雞飯，雞肉真係幾滑，好味。
仲有自選粥檔
「中西．環Centre Street Kitchen」好特別仲有豬腳薑食，有時這些本地野想食都唔知邊度先有得食，今餐竟然食到。
講下甜品先，甜品都有好多，例如有 Cream Brulee、泡芙、Tiramisu、砵仔糕、班蘭蛋糕，都幾豐富。
雪糕就有 Movenpick 同雀巢兩個牌子選擇
總結
– 港島太平洋酒店成人價錢只是 $182，長者仲$142 添，性價比真，真係抵食既。
– 餐廳上年剛完成番新，環境坐得好舒服，
– 餐廳地方不大，食物選擇雖然說不上豐富，但起碼每一樣都好味，欣賞唔會將貨就價比一些難食的食物塞飽你。
自助午餐 7 折購買方法
只要透過官網網上預先付款訂購，就可以用 7 折價錢食到港島太平洋酒店自助午餐，星期一至五成人 $182 (已包加一)、長者 $142 (已包加一)、星期六日 $186 (連加一 $210)。
預訂網址：
https://dining.islandpacifichotel.com.hk/tc/ipdining/
港島太平洋酒店
地址： 西營盤干諾道西152號 (港鐵西營盤站 B3 出口，
