想食到超強頂級自助餐就留意喇!尖沙咀海景嘉福洲際酒店海景咖啡廊於 2018 年每月第二個星期六,會推出名為「頂級豪華盛宴」自助晚餐,自助晚餐提供多款海鮮,包括冰鎮波士頓龍蝦、鱈場蟹腳、麵包蟹、龍蝦鉗、小龍蝦、青口、翡翠螺等等,仲有來自葡萄牙、澳洲及愛爾蘭的即開生蠔。刺身多達 7 款,會有北海道帶子、三文魚、吞拿魚、八爪魚、油甘魚、鯛魚、和甜蝦,仲有海膽壽司都可以任食!熱盤有北京填鴨、香煎鴨肝配蘋果、和牛炒飯、銀雪魚西京燒、蒜蓉粉絲清蒸蟶子及芝士焗開邊龍蝦,另外每位客人可獲紅燒 8 頭鮑魚一隻!!聽到食物陣容簡直超是超級豐富。


網上訂位「頂級豪華盛宴」成人每位 8 折!

這個「頂級豪華盛宴」 自助晚餐正價 HK$888 一位,只要透過以下網址預訂,預訂時在 Promotion 一欄選 RUNHOTEL,成人每位即可享有 8 折 (其他日子晚餐 75 折),詳細折後價錢可參考文章尾段。
預訂網址:
http://www.eat2eat.com/IHG/IHG/Pages/Reservation.aspx
(透過以上網址會自動輸入了優惠碼 RUNHOTEL)

 

講番當晚食物先,冰鮮海鮮有麵包蟹、冰鎮波士頓龍蝦,新鮮又多膏,大部分質素都很鮮甜,仲要酒店放出來的份量十分之多,不用爭,每次出去都可以攞到。

當日仲有龍蝦鉗、小龍蝦、青口、翡翠螺等等

入座一陣之後,就會有待應每位派發一碟 8 頭鮑魚,自助餐可以「鋸鮑魚」真係夠晒高級豪華。

對蠔迷來說,來到嘉福洲際酒店一定好開心,海景嘉福洲際酒店自助晚餐會有三款分別來自葡萄牙、澳洲及愛爾蘭的即開生蠔,旺場時間酒店有兩位員工負責開蠔,不用等太久,喜歡食生蠔的朋友一定好滿足,一晚可以試齊 3 個國家的生蠔。

2 月份主題會有黑松露意大利麵,平時出街食飯叫黑松露菜式都只會比超細塊黑松露您,呢個洲際自助晚餐真係一大塊黑松露咁比您,好有誠意,我真係第一次一啖食到咁大塊既黑松露。

當晚仲有芝士焗開邊龍蝦、菠菜白汁焗蠔、銀雪魚西京燒、蒜蓉粉絲清蒸蟶子

刺身有 7 款,北海道帶子 Size 唔算大粒,但味道就不錯

最正當然是有海膽壽司,超驚喜,平時去壽司店食海膽壽司最平都要 40 幾蚊一碟,今次黎到一次過食番 4 件或以上,真係已經抵番晒。

另外,粉面區除了有一般的肉片和丸類之外,仲有聖子、帶子、虎蝦、連瀨尿蝦都有  

尖沙咀海景嘉福洲際酒店擁有自家的燒乳豬爐,每晚 7:30 都會開始切乳豬,由於是自家每晚即燒,所以乳豬皮十分之脆,大家一定要試。

當晚仲有北京片皮鴨

食左咁耐,如果覺得仲未回本,唔怕,仲有好多正野未食,例如可以試香煎鴨肝配蘋果、和牛炒飯。

其他必食還有燒牛肉、威靈頓牛、羊架、咖哩、蟹肉粟米羹。而飲品包括汽水和果汁都是免費任飲的。


而甜品區的焦點,就是有 1.5 米長的拿破崙蛋糕為豐盛晚餐作結。

其他甜品選都不少,亦唔少得自助餐一定會有既朱古力噴泉

雪糕多口味選擇之餘,仲有好多雪糕筒選擇

總括黎講食物陣容超級豐富,自助晚餐 6 點半開始,可以食到 10 點,有 3 個半鐘時間慢慢享受。


每月第二個星期六「頂級豪華盛宴」自助晚餐

這個「頂級豪華盛宴」自助晚餐,只限每個月第二個星期六供應,正價 HK$888 一位,透過以下網址網上預訂,成人可享 8 折,8 折後成人 $710(連加一 $798)。小童和長者就無折扣,小童 $438(連加一 $482) 、長者連加一 $648 。

預訂網址:
http://www.eat2eat.com/IHG/IHG/Pages/Reservation.aspx
(預訂時 Promotion Code 一欄顯示了 Runhotel 才會有折扣,暫時系統只能訂到 2 月,如要訂 3 月第二個星期六,可打電話 2731 2860,訂座時說明 Runhotel 可有 8 折優惠。)


其他日子自助晚餐 75 折

1 月至 2 月份自助晚餐做緊黑松露主題(詳情按此),網上預訂成人每位可享 75 折。
星期日至四:成人$618(75折後連加一 $526)、小童 $298
星期五、六、公眾假期前夕及公眾假期:成人$678(75 折後連加一 $577) 、小童 $328
小童長者不設折扣。

預訂網址:
http://www.eat2eat.com/IHG/IHG/Pages/Reservation.aspx
(預訂時 Promotion Code 一欄顯示了 Runhotel 才會有折扣)

 

海景嘉福洲際酒店
地址:香港九龍尖沙咀東部麽地道 70 號
訂座和查詢電話:2731 2860 (訂座時說明 Runhotel 優惠,自助午餐都有 7 折,午餐價錢可打電話向酒店查詢。)

 





Run Hotel

Carol & Vin 搵酒店 www.runhotel.hk 網站創辦人,一放工就想去旅行的情侶,終日沉迷周遊列國,夢想試盡世界各地的酒店。【聯絡及邀約:Vincent「at」runhotelhk「dot」hk】

留言