| 名古屋必食| 松板屋店蓬萊軒 – 鰻魚飯 (名古屋遊記 Day1 )
來到名古屋,有兩樣是必食既,第一樣是「鰻魚飯」、第二樣必食就是「手羽先」,第一晚到達名古屋,我已經控制不了自己,安排了第一餐就要來蓬萊軒食「鰻魚飯」。
先在名古屋錦名鐵酒店放低完行李,我就步行去榮區的松板屋,其實由錦名鐵酒店步行最少都要 20 分鐘以上,不過旅行就無所謂啦,反正都想四處走走。
蓬萊軒在名古屋有很多分店,大家可以參考官網
http://www.houraiken.com/
松板屋 10 樓還有其他餐應,但地面不能直接上到 10 樓,要先坐電梯去 7 樓,再轉電梯。
其實 3600 Yen 食一個鰻魚飯我已經覺得有點昂貴,如果 5,100 Yen,我情願吃其他東西了。
咁如果大家真係無興趣食鰻魚飯,餐牌內還有一些雞肉飯定食、刺身定食、天婦羅定食等。
同埋如果餐廳無俾英文 Menu 您,您可以問佢地攞,不過有時佢地見到遊客,都會主動識俾英文既 Menu。
當您點選了個招牌「鰻魚飯 」之後,餐廳就會再給您一張「食法」。
其實食法好簡單,先將個飯分為 4 份。(切為 4 份先啦)
第一種食法:先食原味。
然後第二種吃法:加入蔥及紫菜
之後第三種就加湯。
鰻魚份量都不少架,整個碗都鋪滿了鰻魚
試過第一、二個食法後,到第三個,加湯中
我個人喜好,第一和第二個食法最好味,第一個食法最能保持「原汁原味」, 第二個食法就有紫菜,反而加湯我就麻麻地。
這一間位於松板屋的蓬萊軒地方好寬敞,坐得好舒服,人又唔多,如果大家酒店在榮區,咁就一定要搵一餐黎依度食。
食完,我就步行去名古屋電視塔和 Oasis 21 散步。
下一篇:
https://www.runhotel.hk/2015/08/day-1-oasis-21-tv-towner.html