如果去布吉島每次都住芭東住到已經無咩新意,想要遠離塵囂,又要新同型格 Resort ,又想要一個極好服務嘅假期 或 Honeymoon 之旅,剛剛在 2015 年 9 月先開幕嘅 Keemala Phuket 一定係首選,Resort 建於布吉深山之上,雖然話係深山,但從酒店坐車去 Jungceylon Shopping Mall 都只係 20 分鐘,地點隱世得黎,又唔會太偏僻。
 
基馬拉度假村 (Keemala) 訂房網址:
http://www.agoda.com/zh-hk/keemala/hotel/phuket-th.html

酒店位置 (離機場大約 50 分鐘車程)


酒店設計靈感是仿照公元前 200 年居民的四大原始部落,所以將酒店房間設計成一個個獨立「 鳥巢 」、「 帳幕 」、離地的「 樹屋 」等等,配合大自然設計概念,全部房間採用木材,竹及天然巨石等材料搭建而成。

 
酒店 Lobby 天花板用樹木堆砌而成
 

而 Lobby 地板的磁磚,是在介紹 Keemala 的故事歷史。
 
酒店有 4 種房型,不同屋頂代表不同房間類型。面對綠意盎然的樹林,真的是悠閑放鬆的享受。
 
除了每種房型都有私人泳池外,酒店亦提供公共泳池給住客使用,相片中間部份就是公共泳池。
 
 

我們這間是最基本的房型 – 單臥室泳池別墅(Clay Pool Cottages)

 
 
個私人泳池在門口的旁邊,未入大門已經可以跳落泳池,即係就算唔記得帶房卡,都可以先游個水。
 
踏入大門後,原來分了兩邊,左手邊是浴室/洗手間區,右手邊才是客房,由於這是最基本的房型,不是套房,所以沒有客廳,一轉入去已經是睡房,見到有張大型雙人床放在房的正中央,一部 42 吋電視機。
 
由另一個角度拍攝讓大家看清楚,房間每邊四角分別擺放了電視、藤椅、書枱和 Mimi bar。
 
 
田園風味嘅藤籃擺放餐具,好特別。
 
 
房價咁貴,所以 Mini Bar 既基本飲料(包括啤酒) 都是免費的,但一日只會 Refill 一次。
 
浴室設計一點都不馬虎,好大。
 
地方大到可以擺放一個天然巨石所造的浴缸,黑色既浴缸我都唔係在好多酒店見過,好有質感。
 
淋浴用品的器皿陪襯返天然石

 
花灑頭就很懷舊

這個浴室真係好大,而且有兩個淋浴區,一個露天淋浴區,一個室內淋浴區,依個真係好少見。
 

浴缸旁邊就用天然竹材分隔出露天淋浴區
 
這個露天淋浴區,唔知落雨是否不用開花灑就沖到涼呢?  嘩哈哈

 
另一邊還有一個室內淋浴間
 
 
雙洗手盆加上巨型全身鏡子
 
睇完浴室,當然第一時間要去游下水,享受下最正既私人泳池啦~~~~

個泳池面積雖不算大,但浸在水中看著如斯美景,也很享受。
 
泳池旁邊只有一張太陽椅,稍嫌不足,不能兩個人同時灑太陽。
 
 
話晒高級酒店,又點少得一些額外設施,例如酒店設有小型圖書館,適合一些真係想遠離煩囂,來吸收靈感的人。酒店提供既書以英文為主,書的數量就要有相片中您看到那一部份。
 
酒店亦設有健身室
酒店雖然暫時無提供免費接駁車去芭東,但就有接駁車去附近沙灘。
 
下一篇,我會為大家介紹 Keemala 酒店最高級的 Bird's Nest Pool Villas 房型,請大家繼續收看:
 
 

基馬拉度假村 Keemala

地址:
10/88 Moo. 6 Nakasud Rd.,Kathu Disctrict Phuket, Kamala, Phuket, Thailand 83150
交通:離布吉國際機場約 40分鐘車程,離芭東海灘約 15 分鐘車程。

房間有免費 Wi-Fi

 

訂房網址:

 





Run Hotel

Carol & Vin 搵酒店 www.runhotel.hk 網站創辦人,一放工就想去旅行的情侶,終日沉迷周遊列國,夢想試盡世界各地的酒店。【聯絡及邀約:Vincent「at」runhotelhk「dot」hk】

留言