自上年年尾開始,我和 Carol 開始籌備我們 2015 的婚禮。香港婚禮的開支一向比較多,跟據 ESDlife 生活易的統計(詳情),2014 年一對新人的結婚開支平均是約 31 萬,嘩…..對於我這些低薪打工仔黎講,打咁多年工要儲到 30 萬用來結婚真係不容易……

為了將婚禮所有開支的一分一毫都用得其所,我地就決定認真開始儲 Asia Miles 里數,務求要儲到 2 人去馬爾代夫度蜜月的機票為我們二人的終極目標!!(之前我地次次去旅行都坐廉航所以都無認真儲過)

不過講儲 Asia Miles 里數我地不算什麼高手(直頭係初哥),只不過希望寫個過程出來和大家分享一下儲里數既經驗,有什麼地方需要注意等等,希望幫到更多人在結婚開支上儲到 Asia Miles 去度蜜月~~

如果大家都係儲緊里數去度蜜月既,有心得歡迎留言同我地分享一下….其實我之前上網 Search 過,見到有人講過佢酒席可以用 HSBC 信用卡計埋「最紅星期五」個11倍特別積分….嘩,差不多 $2.78 蚊有1里,簽 25 萬酒席已經差不多KO了 9萬 Asia Miles …..我都有排要學野…

今日寫住個開頭先…..

有經驗想分享既,歡迎大家在網誌留言,讓更多人可以看到。





Run Hotel

RunHotel - 報導第一手酒店優惠消息,和旅遊攻略【聯絡及邀約:Vincent「at」runhotelhk「dot」hk】

8 Comments

    • 但留意clause 7
      合資格簽賬只包括根據VISA國際組織/MasterCard Asia/Pacific (Hong Kong) Limited及中國銀聯之商戶編號釐定為餐廳或食肆的香港簽賬。但不包括於酒席宴會、私人宴會、包場派對、設於酒店/百貨公司/俱樂部/會所內的飲食專櫃/商戶及其他簽賬類別的指定商戶所提供的餐飲服務的簽賬。

      Reply
    • D 人 就係知道酒席唔得,但forum 有人留言話佢當年攞酒可以照攞到額外積分 (但已經係幾年前既留言,佢無講好清楚實際方法)。

      但有其它人分享話同酒樓/酒店講用番平時飲茶既方法出單就可能會OK囉..

      Reply
  1. 如果你認真儲,我會建議你儲BA好過儲asiamiles ,除咗大部分短途抵啲之外,單程只係來回既一半,而且有household account ,可以兩公婆一齊儲。以馬爾代夫為例,每人2萬5已經可以換CX直航來回,因為BA同CX都係同一個聯盟,可以換對方既機票。

    不過要留意BA係無stopover 同四月之後商務同頭等既要求會大幅提升。

    Reply
    • Simon, Thanks您留言。儲里數方面真係要慢慢聽多D大家心得,就係您講有 household account 我又已經識多樣野。可惜已經開始儲左 asia miles 轉唔到,遲D先考慮儲BA。

      但您講得好岩,有household account 係好緊要,而家我地成日要平行兩個人既分要儲得一樣係好辛苦,成日要諗要邊個去簽卡….. 依 part 已經勁煩

      Reply

留言