【三亞旅遊基本資訊】機票 + 天氣 + 交通篇
機票
前往三亞旅遊，香港航空及港龍航空均有直航機從香港出發，機程只是一個小時。如果想玩盡少少，咁就一定要程坐國泰港龍了，早上時間出發，晚上回程。
想搵平機票，可以上 Skycanner 網站望望：
www.skyscanner.com
如果大家需要訂三亞的套票，上永安網站，使用永安推廣碼「GP122」，預訂套票$1500即減 $50，$3,000減 $100
https://package.wingontravel.com/list-sanya-43/
簽証
香港居民記住帶回鄉證，因為海南島三亞在中國的，唔好去機場就帶慣左 Passport 就無帶回鄉證。
天氣
三亞既冬天早晚的氣溫會比較清涼，至於在中午時份，都會有成 26-29 度左右啦，呢段時間去三亞最適合，又唔會太熱。所以由 12 月至 3 月是三亞的旅遊旺季，酒店會貴 D，特別係農曆新年時，D 價格可以貴到離晒譜。所以如果 11 至 12 月想遊水，咁真係好睇個太陽喇！因為白天時，如果有太陽，都會有成 28-30 度，落水是完全 OK ，但如果沒有太陽、再加上有D 風的話，其實都幾凍下。所以 2 至 3月就最好，唔太凍又唔太熱。
交通
三亞是有巴士，不過如果係去旅遊，我建議您都係全程坐的士，並且用滴滴打車去叫車，因為用 App 叫車會較有保障，而最重要是可以在叫車前，知道車費多少，而且滴滴打車是用距離計價的，所以包你不會被人屈錢。有一樣野唔可以唔講，就係三亞的士司機唔係靠車費維生，佢地係收回佣既，例如車您去某地方既食店，佢地可以有回佣收，所以唔好去佢地建議既地方，咁您明啦！
海南島三亞
講咁耐，入正題喇，簡單介紹下三亞先，其實三亞主要係分開為︰三亞灣、大東海、亞龍灣、海棠灣，睇下圖就好清楚。
三亞灣：（可選三星至四星的酒店非常多）
優點：就在三亞市區，有很多房間漂亮還能看海的酒店可以選擇，而且去各個景點的都叫近，住在這裡最慳錢（因為有三星至四星的酒店選擇 ），還有就是三亞灣的日落是整個三亞最漂亮的。
缺點：這裡的海水質量在四個灣里面最差，人也最多。
大東海：
三面環山，一面大海，開發較早，酒店老化，海水質量也只比三亞灣稍好一點，跟其它幾個灣比起來既沒有價格優勢，也沒有風景優勢，這裡就不多說了。
亞龍灣
優點：海水和沙灘的質量排第一，也是四個灣里面最適合下海游泳的地方，酒店設施都很棒，拍照很漂亮，渡假酒店多。
缺點：酒店價格開始高，一線的海景酒店（出門就是沙灘）價格大約一千元一晚，二線的海景酒店（酒店未在沙灘上，需要坐電瓶車才能到沙灘），房價大約 $600 至 $800 左右，視乎淡旺季。
海棠灣
優點：海水質量僅次於亞龍灣，人少，比較安靜，很適合情侶度假和親子遊，酒店的性價比比亞龍灣的高。而且大部份在海棠灣的酒店，都是豪華至奢華級的酒店，如果想去高級度假，咁住海棠灣既酒店一定要首選。
缺點：距離三亞市區最遠。（如果不去市區玩，我又覺得無所謂）
三亞灣、亞龍灣和海棠亞灣的酒店推介呢我就不在這篇講了，詳細選酒店介紹，可以看以下文章：
景點
三亞景點不多，大部份人都是留在酒店 Hea 最舒服，所以我都會建議大家選間靚的酒店，在裏面玩番一至兩日。
其他三亞活動可以上 Klook 網站查看：
https://www.klook.com/zh-HK/city/177-sanya-haikou/
去三亞需要備準的物品
如果會游水記得帶齊您游水要用的物品，泳衣，潛水鏡、防曬亦係唔少得，上次朋友沒有帶潛水鏡，見到酒店盛惠 RMB180 元。 如果你唔記得帶太陽油重大鑊，SPF4 既要 RMB$240，SPF50 要接近四百蚊，超貴！所以記得帶齊所需物資。
相關閱讀：
- 三亞亞特蘭蒂斯酒店 (Atlantis Sanya)、水世界、餐廳詳盡攻略
- 亞特蘭蒂斯酒店水底套房
- 【三亞酒店推介】三亞 Rosewood 酒店，無邊泳池，頂級舒服的渡假體驗
- 【三亞新酒店推介】三亞艾迪遜酒店，萬豪奢華品牌，酒店有多項水上活動玩、亦有碰碰車、別墅房型更有私人泳池’
- 【三亞海棠灣酒店推介】海棠灣什麼酒店適合親子？什麼酒店適合情侶渡假？
- 三亞亞龍灣酒店推介
- 【三亞旅遊基本資訊】機票 + 天氣 + 交通篇
- 三亞景點推薦
